മേളകള്‍ ആസ്വാദകര്‍ക്കുള്ളതാണ്: മാര്‍ട്ടിന അര്‍മാന്‍ഡ്
ചലച്ചിത്ര മേളകള്‍ ചലച്ചിത്രാസ്വാദകര്‍ക്കുള്ളതാണെന്ന് ഫ്രഞ്ച് സിനിമാ നിരൂപകയും ക്യൂറേറ്ററുമായ മാര്‍ട്ടിന അര്‍മാന്‍ഡ് അഭിപ്രായപ്പെട്ടു. ഇന്നത്തെ (ഡിസംബര്‍ 11) ഓപ്പണ്‍ ഫോറത്തില്‍, ചലച്ചിത്രമേളകള്‍ ചലച്ചിത്ര പ്രവര്‍ത്തകര്‍ക്ക് മാത്രമുള്ളതാണെന്ന സിനിമാ നിരൂപകന്‍ വി രാജാകൃഷ്ണന്റെ അഭിപ്രായത്തോട് പ്രതികരിക്കുകയായിരുന്നു അവര്‍.
പ്രാദേശിക ചിത്രങ്ങള്‍ക്കാണ് മേളകളില്‍ പ്രാധാന്യം നല്‍കേതെന്ന് ഫ്രഞ്ച് സിനിമാ നിരൂപകയും ക്യൂറേറ്ററുമായ ലോറെ ബാര്‍ബറ പറഞ്ഞു. ചലച്ചിത്രങ്ങളുടെ തെരഞ്ഞെടുപ്പില്‍ ആര്‍ട്ടിസ്റ്റിക് ഡയറക്ടര്‍മാര്‍ക്കുള്ള പങ്കിനെക്കുറിച്ച് പറയുകയായിരുന്നു ബാര്‍ബറ.
'ചലച്ചിത്ര മേളകളുടെ അസ്തിത്വം' എന്ന വിഷയത്തെ ആസ്പദമാക്കി നടന്ന ചര്‍ച്ചയില്‍ അമേരിക്കന്‍ ചലച്ചിത്ര പ്രവര്‍ത്തകനായ നൊവ ഡേവിസും പങ്കെടുത്തു. യു രാധാകൃഷ്ണനായിരുന്നു ചര്‍ച്ചയുടെ മോഡറേറ്റര്‍
